QR Code

انسداد دہشت گردی ترمیمی بل کا فیصلہ 20 منٹ میں کیاگیا، شاہد خاقان عباسی

30 Jul 2020 21:39

اسلام آباد میں میڈیا سے گفتگو کرتے ہوئے شاہد خاقان عباسی نے کہا کہ بل حکومت لے کر آئی اور خواہش ظاہر کی کہ چاروں بل اکٹھے پاس ہوں، حکومت کے وزرا باتیں کررہے ہیں ان کےحقائق سامنے رکھنا چاہتا ہوں۔

اسلام ٹائمز۔ سابق وزیراعظم اور مسلم لیگ (ن) کے رہنماء شاہد خاقان عباسی نے کہا کہ انسداد دہشت گردی ترمیمی بل کا فیصلہ 20 منٹ میں کیا گیا، اقوام متحدہ سیکیورٹی کونسل بل میں ہماری ترمیم منظور ہوئی۔ شاہد خاقان عباسی نے کہا کہ بل حکومت لے کر آئی اور خواہش ظاہر کی کہ چاروں بل اکٹھے پاس ہوں، حکومت کے وزرا باتیں کررہے ہیں ان کےحقائق سامنے رکھنا چاہتا ہوں۔ انہوں نے کہا کہ سینیٹ میں ایک اقوام متحدہ کونسل ترمیمی بل اور انسداددہشت گردی ترمیم بل پاس ہوا، تین بل ایف اے ٹی ایف کے مطالبات پرمبنی ہیں، حکومت نے کہا کہ 4 بل منظور کروانا چاہتے ہیں۔
اس سے قبل حزب اختلاف کی ترامیم سینیٹ میں پیش کردہ بل میں شامل کی گئی تھیں۔ اس سے قبل حکومت نے حزب اختلاف کی ترامیم قومی اسمبلی میں مسترد کر دی تھیں۔ گزشتہ روز وزیراعظم عمران خان کے مشیر برائے پارلیمانی امور بابر اعوان نے دعویٰ کیا تھا کہ پارلیمنٹ قومی سلامتی سے متعلق کل تاریخی قانون سازی کرے گی۔ ذرائع کے مطابق وزیراعظم عمران خان نے اپنے مشیر برائے پارلیمانی امور بابر اعوان سے رابطہ کیا تھا اور ان سے صبح ہونے والی اہم قانون سازی پر ضروری مشاورت کی۔ بابر اعوان نے واضح طور پر کہا تھا کہ قانون سازی حکومت اور حزب اختلاف کی مشترکہ ذمہ داری ہے۔
 

خبر کا کوڈ: 877571