QR Code

مودی نے ہمیشہ پاکستان کو نقصان پہنچانا چاہا ہے، رحمان ملک

1 Aug 2020 11:55

پیپلز پارٹی کے رہنما کا اپنے ایک بیان میں کہنا ہے کہ عید کے موقع پر کشمیری بھائیوں کو نہیں بھولنا چاہیے جو سال بھر سے لاک ڈاؤن میں ہیں۔

اسلام ٹائمز۔ پیپلز پارٹی کے رہنما اور سینیٹر رحمان ملک کا کہنا ہے کہ میں نریندر مودی کو دہشت گرد کہتا ہوں، اس نے ہمیشہ پاکستان کو نقصان پہنچانا چاہا ہے۔ رحمان ملک کا کہنا تھا کہ عید کے موقع پر کشمیری بھائیوں کو نہیں بھولنا چاہیے جو سال بھر سے لاک ڈاؤن میں ہیں۔ انہوں نے کہا کہ پارلیمنٹ سمیت ہر پلیٹ فارم پر ہم کشمیریوں کے ساتھ کھڑے ہیں، امید ہے کشمیر سے متعلق حکومت پاکستان اقوام متحدہ میں قرارداد پاس کروائے گی۔ رحمان ملک نے کہا کہ پاکستان اور چین کی دوستی ہمیشہ زندہ رہی اور رہے گی، امریکا ڈومور کہتا ہے، وہ ہمارے ساتھ دوستی کا ہاتھ بڑھائے تو ہم بھی بڑھائیں گے۔ واضح رہے کہ سینیٹر رحمان ملک نے عیدالاضحیٰ کی نماز اپنے ملازمین کے ہمراہ اپنی رہائشگاہ پر ہی ادا کی۔

خبر کا کوڈ: 877753