عراق، صوبہ نینوی سے 6 داعشی دہشتگرد گرفتار
3 Aug 2020 21:52
عراقی وزارت داخلہ کے ایک بیان میں اعلان کیا گیا ہے کہ عراقی صوبے نینوی کے مختلف مقامات سے داعش کے 6 دہشتگرد گرفتار کر لئے گئے ہیں جبکہ "رووداو" نیوز چینل کیمطابق گرفتار شدہ دہشتگرد داعش کے لشکر "الصارم البتار" و "عین الجالوت"، حکومتی کمیٹی "ولایت نینوی" اور مروان سمیت 2 دہشتگرد کیمپوں میں فعال تھے۔
اسلام ٹائمز۔ عراقی وزارت داخلہ نے اپنے ایک بیان میں اعلان کیا ہے کہ عراقی سکیورٹی فورسز نے صوبہ نینوی سے داعش کے ساتھ منسلک 6 دہشتگردوں کو گرفتار کر لیا ہے۔ اس بیان میں کہا گیا ہے کہ انسداد دہشتگردی کے قانون کی شق نمبر 4 کے تحت ان افراد کو داعش کے ساتھ رابطہ رکھنے کے جرم میں صوبے کے مختلف مقامات سے گرفتار کیا گیا ہے۔ "رووداو" نیوز چینل کے مطابق گرفتار شدہ 6 دہشتگردوں میں سے 2 احمد اور حسین، داعش کے ذیلی لشکر "الصارم البتار" میں سرگرم تھے۔
خبر کا کوڈ: 878132