QR Code
اسرائیل-امارات دوستی معاہدہ
متحدہ عرب امارات کے 'خلیفہ ٹاور' کے سامنے ریکارڈ ہونیوالی پہلی اعلانیہ اسرائیلی رپورٹ
16 Aug 2020 04:14
عرب اخبار القدس العربی کیمطابق غاصب صیہونی رژیم اسرائیل کیساتھ وابستہ صیہونی میڈیا پرسنلز نے اسرائیل-امارات دوستی معاہدے کیبعد پہلی مرتبہ متحدہ عرب امارات میں علی الاعلان رپورٹ تیار کر کے اسرائیلی ٹیلیویژن پر نشر کی ہے جسمیں انکی جانب سے غاصب صیہونیوں کیلئے یہ پیغام ارسال کیا گیا ہے کہ اسرائیل نے متحدہ عرب امارات کیساتھ دوستی کیخاطر غیرقانونی یہودی بستیوں کی تعمیر کو عارضی طور پر روک کر اس وسیع عرب مسلم سرزمین (امارات) تک اپنے پیر پھیلا لئے ہیں۔
اسلام ٹائمز۔ اسرائیل-امارات دوستی معاہدے کے طے پا جانے کے بعد معروف 'خلیفہ ٹاور' کے سامنے پہلی مرتبہ صیہونی میڈیا کی جانب سے علی اعلان رپورٹ ریکارڈ کر کے اسرائیلی ٹیلیویژن پر نشر کی گئی ہے۔ عرب اخبار القدس العربی کے مطابق صیہونی خبرنگار 'روعی کایس' اور 'دورون ہرمان' کی جانب سے 800 میٹر بلند اماراتی الخلیفہ ٹاور کے سامنے ریکارڈ ہونے والی یہ رپورٹ اسرائیلی ٹیلیویژن کے چینل نمبر 13 پر نشر کی گئی۔
اسرائیل کے قومی ٹیلیویژن نیٹورک پر نشر ہونے والی اس رپورٹ میں صیہونی میڈیا پرسن، مسلم ملک کے اندر علی الاعلان رپورٹ ریکارڈ کرنے والا پہلا اسرائیلی خبرنگار ہونے کے ناطے پھولے سما نہ رہا تھا۔ اسرائیلی میڈیا کے عملے نے مسلم عرب سرزمین سے غاصب صیہونیوں کو یہ پیغام ارسال کیا ہے کہ اسرائیل نے متحدہ عرب امارات کیساتھ دوستی کیخاطر مزید غیر قانونی یہودی بستیوں کو عارضی طور پر روک کر ایک وسیع مسلم عرب سرزمین (امارات) تک اپنے پیر پھیلا لئے ہیں۔
ملاحظہ کیجئے اس ویڈیو میں:
.jpg)
خبر کا کوڈ: 880537