اسلام ٹائمز - نواز شریف کا مولانا فضل الرحمٰن سے رابطہ

ذرائع کے مطابق نواز شریف نے حکومت کے ساتھ بیٹھنے کو اپنے مؤقف کی نفی قرار دیا ہے اور کہا کہ میری بیماری، دور ہونے اور کمیونی کیشن نہ ہونے کی وجہ سے مسائل پیدا ہو رہے ہیں۔

اسلام ٹائمز۔ سابق وزیراعظم نواز شریف نے مولانا فضل الرحمٰن سے ٹیلی فونک رابطہ کیا ہے۔ نواز شریف نے مولانا فضل الرحمٰن کو اپوزیشن کا بھرپور کردار ادا کرنے کی یقین دہانی کرائی ہے۔ ذرائع کے مطابق نواز شریف نے حکومت کے ساتھ بیٹھنے کو اپنے مؤقف کی نفی قرار دیا ہے اور کہا کہ میری بیماری، دور ہونے اور کمیونی کیشن نہ ہونے کی وجہ سے مسائل پیدا ہو رہے ہیں، آئندہ شکایت کا موقع نہیں ملے گا، مشترکہ حکمت عملی طے کریں گے۔ انہوں نے مولانا سے گفتگو میں کہا کہ اپوزیشن رہبر کمیٹی کا اجلاس جلد بلایا جائے اور مشترکہ حکمت عملی اور متفقہ مؤقف طے کیا جائے۔ دوسری جانب مولانا فضل الرحمٰن نے کہا ہے کہ وہ مسلم لیگ (ن) کو اپنے بہت قریب سمجھتے ہیں۔ اپوزیشن کی دونوں بڑی جماعتوں کو نیب کے ذریعے ڈرایا دھمکایا جا رہا ہے۔