اسلام ٹائمز - کویت، عدالت عظمیٰ میں 8 خواتین ججز کا تقرر

خبر ایجنسی کے مطابق کویت عدالت عظمیٰ میں بڑی تعداد میں خواتین جج مقرر کرنے والا پہلا خلیجی ملک بن گیا ہے، 8 خواتین ججز سمیت عدالت عظمیٰ میں 54 جج صاحبان کا تقرر کیا گیا ہے۔

اسلام ٹائمز۔ کویت کی تاریخ میں پہلی مرتبہ عدالت عظمیٰ میں 8 خواتین ججوں کا تقرر کیے جانے کے بعد خواتین ججوں نے عہدے کا حلف اٹھا لیا ہے۔ کویتی خبر ایجنسی کے مطابق کویت عدالت عظمیٰ میں بڑی تعداد میں خواتین جج مقرر کرنے والا پہلا خلیجی ملک بن گیا ہے۔ خبر ایجنسی کا کہنا ہے کہ کویت میں 8 خواتین ججز سمیت عدالت عظمیٰ میں 54 جج صاحبان کا تقرر کیا گیا ہے۔ چیئرمین سپریم جوڈیشل کونسل کے مطابق مقرر کردہ خواتین ججوں کے کام کا کچھ عرصے بعد جائزہ لیا جائے گا۔