QR Code
شہداء ہمارا مان اور ہم ان کے مقروض ہیں، عثمان بزدار
6 Sep 2020 11:17
یوم دفاع پر اپنے پیغام میں وزیراعلیٰ پنجاب کا کہنا تھا کہ پاک افواج نے دشمن کی جارحیت کا منہ توڑ جواب دیا، پاک افواج کے عظیم سپوتوں نے بہادری کی بے مثال داستانیں رقم کیں، پاک افواج اور پوری قوم دشمن کے سامنے سیسہ پلائی دیوار ثابت ہوئی۔
اسلام ٹائمز۔ وزیراعلیٰ پنجاب عثمان بزدار نے یوم دفاع کے موقع پر اپنے پیغام میں کہا ہے کہ شہداء ہمارا مان اور ہم ان کے مقروض ہیں۔ وزیراعلیٰ پنجاب نے کہا کہ 1965ء کی جنگ کے شہداء آج بھی قوم کے دلوں میں زندہ ہیں، پوری قوم شہدائے وطن کی قربانیوں کو بھرپور خراج عقیدت پیش کر رہی ہے۔ وزیراعلیٰ عثمان بزدار نے کہا کہ 1965ء کی جنگ کے غازیوں کی جرأت کو خراج تحسین پیش کرتے ہیں۔
انہوں نے کہا کہ شہداء ہمارا مان ہیں اور ہم ان کے مقروض ہیں، ستمبر 1965 کی جنگ پاکستان کی دفاعی تاریخ کا روشن اور تاریخ ساز باب ہے۔ عثمان بزدار نے کہا کہ پاک افواج نے دشمن کی جارحیت کا منہ توڑ جواب دیا، پاک افواج کے عظیم سپوتوں نے بہادری کی بے مثال داستانیں رقم کیں، پاک افواج اور پوری قوم دشمن کے سامنے سیسہ پلائی دیوار ثابت ہوئی۔
خبر کا کوڈ: 884600