QR Code

ریلوے یونین کا ٹریول اور ڈے الاؤنس نہ ملنے پر پشارو پریس کلب کے سامنے مظاہرہ

11 Sep 2020 11:22

ریلوے مزدور یونین مظاہرین نے ڈی ایس ریلوے اور ڈی ای او سے مطالبہ کیا کہ ٹریول اور ڈے الاؤنس کو فی الفور ریلیز کیا جائے بصورت دیگر ریل سروس جام کرنے پر مجبور ہو جائیں گے۔

اسلام ٹائمز۔ پاکستان ریلوے مزدور یونین کے زیراہتمام ٹریول اور ڈے الاؤنس نہ ملنے کیخلاف گزشتہ روز پشاور پریس کلب کے باہر احتجاجی مظاہرہ کیا گیا۔ مظاہرین کا کہنا تھا کہ محکمے کو 32 لاکھ روپے کے فنڈز ملے ہیں مگر اس کے باوجود سگنل سٹاف کو ٹریول اور ڈے الاؤنس نہیں دیا جا رہا۔ ان کا کہنا تھا کہ سن کوٹے کے تحت بھرتی کا عمل بھی رکا ہوا ہے جبکہ دیگر اضلاع کے لوگوں کو پیسوں کے عوض بھرتی کیا جا رہا ہے۔ انہوں نے ڈی ایس ریلوے اور ڈی ای او سے مطالبہ کیا کہ ٹریول اور ڈے الاؤنس کو فی الفور ریلیز کیا جائے بصورت دیگر ریل سروس جام کرنے پر مجبور ہو جائیں گے۔
 

خبر کا کوڈ: 885545