QR Code

آن لائن خطاب کا انقلاب سیاسی شعبدہ بازی ہے، بابر اعوان

19 Sep 2020 09:47

مشیر پارلیمانی امور کا اپنے ایک بیان میں کہنا ہے کہ ملک سے بھاگے شخص کو سیاسی سرگرمیوں کا حصہ بنانا اداروں کی تضحیک ہے۔

اسلام ٹائمز۔ مشیر پارلیمانی امور بابر اعوان نے نواز شریف کی اے پی سی میں وڈیو لنک شرکت پر ردعمل دیتے ہوئے کہا ہے کہ آن لائن خطاب کا انقلاب سیاسی شعبدہ بازی ہے۔ آن لائن خطاب کا انقلاب کھانے کی میز سے آگے نہیں بڑھ سکتا۔ بابر اعوان نے کہا کہ سیاست کے لیے فِٹ، عدالت کے لیے ان فِٹ، کیا یہ کھلا تضاد نہیں؟ نااہل، مطلوب اور اشتہاری نواز شریف اپوزیشن کی سیاست کو مزید تباہ کریں گے۔ ملک سے بھاگے شخص کو سیاسی سرگرمیوں کا حصہ بنانا اداروں کی تضحیک ہے۔ مشیر پارلیمانی امور نے مزید کہا کہ نواز شریف کی حیثیت سزا یافتہ مجرم سے زیادہ کچھ نہیں۔ دوسری جانب پیپلز پارٹی کے ذرائع کے مطابق بلاول بھٹو کی دعوت پر میاں نواز شریف نے اے پی سی میں بذریعہ ویڈیو لنک شرکت پر رضا مندی ظاہر کر دی ہے۔

خبر کا کوڈ: 887092