حضرت شاہ عبداللطیف بھٹائی کا عرس، سندھ حکومت نے چھٹی کا اعلان کردیا
30 Sep 2020 21:11
بھٹ شاہ میں منعقدہ عظیم صوفی بزرگ حضرت شاہ عبداللطیف بھٹائی رحمۃ اللہ علیہ کے عرس کے موقع پرسیکیورٹی کے سخت انتظامات کئے گئے ہیں، درگاہ کو پھولوں، خوبصورت جھنڈیوں اور لائٹوں سے آراستہ کیا گیا ہے۔
اسلام ٹائمز۔ عظیم صوفی بزرگ حضرت شاہ عبداللطیف بھٹائی رحمۃ اللہ علیہ کے سالانہ عرس کے موقع پر سندھ میں چھٹی کا اعلان کردیا گیا۔ سندھ حکومت نے 2 اکتوبر بروز جمعہ حضرت شاہ عبداللطیف بھٹائی کے سالانہ عرس کے آغاز پر صوبے میں تعطیل کا اعلان کیا ہے۔ اس سلسلے میں سندھ حکومت کی جانب سے چھٹی کا باقاعدہ نوٹیفکیشن بھی جاری کر دیا گیا ہے۔
خبر کا کوڈ: 889421