QR Code

مشعال ملک کی قیادت میں بھارتی مظالم کیخلاف احتجاجی مظاہرہ

4 Oct 2020 10:54

ہفتے کو اسلام آباد میں نیشنل پریس کلب کے باہر ہونے والے احتجاجی مظاہرے میں سول سوسائٹی ارکان، طلبا و طالبات، خواتین، مرد اور بچے شریک ہوئے۔

اسلام ٹائمز۔ تنظیم برائے امن و ثقافت نے مقبوضہ کشمیر میں بھارتی مظالم کے خلاف اسلام آباد میں زبردست احتجاجی مظاہرہ کیا ہے۔ ہفتے کو اسلام آباد میں نیشنل پریس کلب کے باہر ہونے والے احتجاجی مظاہرے میں سول سوسائٹی ارکان، طلبا و طالبات، خواتین، مرد اور بچے شریک ہوئے۔مظاہرے کی قیادت تنظیم برائے امن و ثقافت کی چیئرپرسن مشعال حسین ملک نے کی۔ مظاہرین نے بھارت کے خلاف بینر اور کتبے بھی اٹھا رکھے تھے۔ اس موقع پر مقبوضہ کشمیر میں بھارتی مطالم کے خلاف نعرے لگائے گئے۔ اس موقع پر خطاب کرتے ہوئے مشعال ملک نے کہا کہ جموں و کشمیر لبریشن فرنٹ کے چیئرمین اور ان کے شوہر یاسین ملک نئی دہلی کی تہاڑ جیل میں ایک سال سے قید ہیں انہیں انتہائی نامساعد حالات میں رکھا گیا ہے ان کی جان کو بھی خطرہ ہے۔ انہوں نے مطالبہ کیا کہ یاسین ملک اور دوسرے حریت پسند کشمیری قیدیوں کو رہا کیا جائے۔ 

خبر کا کوڈ: 890052