QR Code

ایم کیو ایم پاکستان کو کہتا ہوں سیاست کریں صوبے کی بات چھوڑ دیں، ناصر حسین شاہ

6 Oct 2020 16:51

نجی ٹی وی سے گفتگو کرتے ہوئے وزیر اطلاعات سندھ نے کہا کہ یہ کہتے ہیں پی پی نے پورے سندھ میں کام نہیں کیا، نوکریوں سے متعلق کسی کے ساتھ ناانصافی نہیں کی، صوبے کی بات کریں گے تو اس سے نفرتیں بڑھیں گی، سندھ میں الگ صوبہ ہمیشہ کے لئے ناممکن ہے۔

اسلام ٹائمز۔ وزیر اطلاعات سندھ ناصر حسین شاہ کا کہنا ہے کہ ایم کیو ایم پاکستان کو کہتا ہوں سیاست کریں صوبے کی بات نہ کریں۔ نجی ٹی وی سے گفتگو کرتے ہوئے وزیر اطلاعات سندھ ناصر حسین شاہ نے کہا کہ سندھ سے متعلق جب بھی بات آتی ہے ہم جذباتی ہوجاتے ہیں، ایم کیو ایم پاکستان کی جانب سے صوبے کی بات ہی کیوں کی جاتی ہے، ایم کیو ایم پاکستان کو کہتا ہوں سیاست کریں صوبے کی بات چھوڑ دیں۔

ناصر حسین شاہ نے کہا کہ یہ کہتے ہیں پی پی نے پورے سندھ میں کام نہیں کیا، تو ہم نے تعصب یا لسانیت کہاں کی ہے، نوکریوں سے متعلق کسی کے ساتھ ناانصافی نہیں کی۔ انہوں نے کہا کہ ایم کیو ایم والوں نے بانی ایم کیو ایم کو تو چھوڑا ہے ان کی سوچ بھی چھوڑ دیں، صوبے کی بات کریں گے تو اس سے نفرتیں بڑھیں گی، سندھ میں الگ صوبہ ہمیشہ کے لئے ناممکن ہے۔

خبر کا کوڈ: 890487