اسلام ٹائمز - عزاداری کے نئے جلوسوں پر پابندی امتیازی سلوک ہے، علامہ نیاز نقوی

عزاداری کے نئے جلوسوں پر پابندی امتیازی سلوک ہے، علامہ نیاز نقوی

علماء سے گفتگو کرتے ہوئے وفاق المدارس الشیعہ کے نائب صدر کا کہنا تھا کہ مذہبی آزادیوں پر پابندی کو تسلیم نہیں کرتے، ریاست کی ذمہ داری ہے کہ ہر طرح کے شہریوں کی مذہبی آزادیوں کو یقینی بنایا جائے، علامہ نیاز نقوی نے کہا کہ نئی رہائشی سکیموں میں دیگر مذہبی سہولیات کی طرح عزاداری کے جلوسوں کے پرمٹ جاری کئے جائیں۔

اسلام ٹائمز۔ وفاق المدارس الشیعہ پاکستان کے نائب صدر علامہ سید نیاز حسین نقوی نے لاہور میں علماء سے گفتگو کرتے ہوئے کہا کہ آئین ہر شہری کو مذہبی آزادی دیتا ہے، آبادی میں اضافے کیساتھ دیگر شعبوں کے تقاضوں کی طرح مذہبی رسومات میں بھی اضافہ ناگزیر ہے۔ انہوں نے کہا کہ نئے ہسپتالوں، تعلیمی اداروں، مساجد، مدارس، امام بارگاہوں کی طرح عزاداری اور میلادالنبی (ص) کے نئے جلوسوں کی ضرورت سے انکار نہیں کیا جا سکتا۔ انہوں نے کہا کہ عزاداری کے نئے جلوسوں پر پابندی امتیازی سلوک اور بنیادی مذہبی آزادی کے منافی ہے، ایسی سوچ تعصب اور تنگ نظری پر مبنی ہے جسے مسترد کرتے ہوئے نئے جلوسوں کے پرمٹ کا مطالبہ کرتے ہیں۔

علامہ سید نیاز نقوی نے کہا کہ مذہبی آزادیوں پر پابندی کو تسلیم نہیں کرتے، ریاست کی ذمہ داری ہے کہ ہر طرح کے شہریوں کی مذہبی آزادیوں کو یقینی بنایا جائے، علامہ نیاز نقوی نے کہا کہ نئی رہائشی سکیموں میں دیگر مذہبی سہولیات کی طرح عزاداری کے جلوسوں کے پرمٹ جاری کئے جائیں۔ انہوں نے کہا کہ حکومت آئین میں دی گئی مذہبی آزادیوں پر علمدرآمد یقینی بنائے، تعصب اور امتیازی سلوک صریح نا انصافی ہے، جس سے عوام میں حکومت کیخلاف جذبات پیدا ہوں گے۔