QR Code

بھارتی فوج نے میجر شبیر شہید کی قبر پہ یادگاری شیلڈ نصب کر دی

18 Oct 2020 22:59

میجر شبیر خان 5 مئی 1972ء کو بھارتی فوج کی نویں سکھ رجمنٹ کے ساتھ ہونے والی مسلح جھڑپ میں شہید ہوئے تھے۔ انہیں ان کی بہادری و دلیری کی وجہ سے ستارہ جرات سے نوازا گیا تھا۔ مقبوضہ وادی کے نوگام سیکٹر میں موجود ان کی خستہ حال قبر کی گزشتہ دنوں بھارتی فوج نے مرمت کی اور وہاں یادگاری شیلڈ بھی نصب کی۔

اسلام ٹائمز۔ پاک فوج نے ملکی سرحدوں کے اندر اور باہر بہادری اور شجاعت کی انمٹ داستانیں رقم کی ہیں۔ ان شہداء میں کئی جوان ایسے بھی ہیں کہ جن کی قبریں ایسے مقبوضہ علاقوں میں ہیں جو دشمن افواج (بھارت) کے تسلط میں ہیں تاہم ان کی دلیری و بہادری کے دشمن بھی قدر دان ہیں۔ ان شہداء میں ایک میجر شبیر خان شہید بھی ہیں۔ جن کی قبر مقبوضہ کشمیر کے نوگام سیکٹر میں موجود ہے۔ میجر شبیر خان 5 مئی 1972ء کو بھارتی فوج کی نویں سکھ رجمنٹ کے ساتھ ہونے والی مسلح جھڑپ میں شہید ہوئے تھے۔ انہیں ان کی بہادری و دلیری کی وجہ سے ستارہ جرات سے نوازا گیا تھا۔ مقبوضہ وادی کے نوگام سیکٹر میں موجود ان کی خستہ حال قبر کی گزشتہ دنوں بھارتی فوج نے مرمت کی اور وہاں یادگاری شیلڈ بھی نصب کی۔ بھارتی فوج کے ترجمان نے اپنے پیغام میں کہا ہے کہ دشمنی اپنی جگہ مگر فوجیوں کا احترم فوجی روایات کا حصہ ہے۔

خبر کا کوڈ: 892759