اسلام ٹائمز - عوام نے سمجھا کہ کورونا ختم ہوگیا، اسد عمر

میڈیا کے ساتھ گفتگو کرتے ہوئے وفاقی وزیر کا کہنا تھا کہ لوگوں نے حفاظتی تدابیر پر عمل بالکل کم کر دیا تھا، امید ہے ایسی صورتحال میں نہیں جائیں گے کہ انتہائی اقدامات اٹھانے پڑیں۔

اسلام ٹائمز۔ وفاقی وزیر اور این سی او سی کے سربراہ اسد عمر نے کہا ہے کہ پچھلے چند ہفتوں میں عوام نے سمجھا کہ کورونا ختم ہوگیا ہے اور حفاظتی تدابیر پر عمل بالکل کم ہوگیا۔ میڈیا کے ساتھ گفتگو کرتے ہوئے اسد عمر کا کہنا تھا کہ ستمبر کے آغاز سے اب تک مثبت کیسز کی شرح اور اموات میں دوگنا سے زیادہ اضافہ ہوا ہے۔ امید ہے ایسی صورتحال میں نہیں جائیں گے کہ انتہائی اقدامات اٹھانے پڑیں۔ انہوں نے کہا کہ فیصلہ کیا گیا ہے کہ کچھ عرصے کے بعد شادی کی تقریبات آؤٹ ڈور کی جائیں، اس سے خطرہ کم ہوسکتا ہے، حکومت کا زیادہ زور ماسک کی پابندی پر ہے۔