QR Code

رجسٹریشن نہ کروانے والی این جی اوز کیخلاف کارروائی میں قانون رکاوٹ بن گیا

5 Dec 2020 12:43

پنجاب حکومت کی جانب سے منی لانڈرنگ اور ٹیرر فنانسنگ کے خاتمے اور این جی اوز کی مانیٹرنگ کیلئے چیرٹی کمیشن ایکٹ بنایا گیا ہے۔ تمام این جی اوز کو اس ایکٹ کے تحت رجسٹریشن کروانا لازمی قرار دیا گیا ہے، لیکن ایکٹ کی جلد بازی میں تیاری نے متعلقہ محکموں کیلئے مشکلات پیدا کر دی ہیں۔

اسلام ٹائمز۔ چیرٹی کمیشن ایکٹ کی جلد بازی میں تیاری مشکلات پیدا کر گئی، ایکٹ کے تحت رجسٹریشن نہ کروانے والی این جی اوز کیخلاف کارروائی کیلئے محکمہ داخلہ اور سوشل ویلفیئر میں اختلافات پیدا ہو گئے ہیں۔ پنجاب حکومت کی جانب سے منی لانڈرنگ اور ٹیرر فنانسنگ کے خاتمے اور این جی اوز کی مانیٹرنگ کیلئے چیرٹی کمیشن ایکٹ بنایا گیا ہے۔ تمام این جی اوز کو اس ایکٹ کے تحت رجسٹریشن کروانا لازمی قرار دیا گیا ہے، لیکن ایکٹ کی جلد بازی میں تیاری نے متعلقہ محکموں کیلئے مشکلات پیدا کر دی ہیں۔
 
ذرائع کے مطابق متعدد این جی اوز کمیشن ایکٹ کے تحت رجسٹریشن نہیں کروا رہیں، جس پر محکمہ داخلہ کی جانب سے سوشل ویلفیئرکو مذکورہ این جی اوز کیخلاف کارروائی کا کہا گیا، لیکن سوشل ویلفیئر نے ایکٹ میں ایسی کوئی شق نہ ہونے کی توجیح پیش کردی ہے۔ سوشل ویلفیئر کا موقف ہے کہ چیرٹی کمیشن ایکٹ میں رجسٹرڈ نہ ہونیوالی این جی اوز کو ڈی رجسٹرڈ کرنے یا قانونی کارروائی کرنے کی شق ہی موجود نہیں، بغیر کسی قانونی بنیاد کے این جی اوز کیخلاف کارروائی ممکن نہیں۔
 

خبر کا کوڈ: 901786