QR Code

مریم نواز کو تکلیف ہے پاکستان بہتری کی طرف جارہا ہے، خرم شیر زمان

26 Dec 2020 16:46

کراچی انصاف ہاؤس میں پریس کانفرنس کرتے ہوئے پی ٹی آئی رہنما نے کہا کہ جو کیس مسلم لیگ نون کے خلاف چل رہے ہیں وہ پیپلز پارٹی نے بنائے ہیں، جن لوگوں نے نیب کو رضاکارانہ رقم واپس کی وہ آج بھی اہم عہدوں پر ہیں۔

اسلام ٹائمز۔ پاکستان تحریک انصاف کے رہنما خرم شیر زمان کہتے ہیں کہ مریم نواز کو تکلیف ہے پاکستان بہتری کی طرف جارہا ہے اور ان کی مقبولیت کم ہو رہی ہے۔ خرم شیر زمان نے کراچی انصاف ہاؤس میں پریس کانفرنس کی، جس میں خرم شیر زمان کا کہنا تھا کہ اسکولوں میں فرنیچر نہ ہونے کی وجہ پیپلز پارٹی کی کرپشن ہے۔ خرم شیر زمان نے کہا پیپلز پارٹی نے صوبہ سندھ کو تباہ کردیا ہے، پیپلز پارٹی والے اب تحریک انصاف کے خلاف مہم چلارہے ہیں۔

اُنہوں نے یہ بھی کہا  آج پاکستان کی معشیت بہتر ہوگئی تو آپ کو پریشانی ہوگئی ہے، آج اسٹاک ایکسچنج روزانہ کی بنیاد پر بڑھ رہا ہے۔ خرم شیر زمان نے کہا کہ جو کیس مسلم لیگ نون کے خلاف چل رہے ہیں وہ پیپلز پارٹی نے بنائے ہیں۔ اُنہوں نے مزید کہا کہ جن لوگوں نے نیب کو رضاکارانہ رقم واپس کی وہ آج بھی اہم عہدوں پر ہیں۔

خبر کا کوڈ: 906320