QR Code
پشاور پولیس کی کارروائی، بھاری مقدار میں اسلحہ برآمد، ملزم گرفتار
9 Jan 2021 21:25
پولیس نے 7 عدد کلاشنکوف، 2 پستول اور کارتوس برآمد کرکے ملزم بخت ریاض کو گرفتار کر لیا، گرفتار ملزم نے ابتدائی تفتیش کے دوران اسلحہ زیر تعمیر مکان میں رکھنے اور بعد میں دیگر اضلاع کو سمگل کرنے کا انکشاف کیا ہے۔
اسلام ٹائمز۔ تھانہ مچنی گیٹ پولیس نے زیر تعمیر مکان پر چھاپہ مار کر بھاری تعداد میں اسلحہ برآمد کر لیا۔ گذشتہ روز ایس پی رورل ڈویژن سجاد حسین کو خفیہ اطلاع ملنے پر ڈی ایس پی ورسک سرکل فدا حسین کی سربراہی میں ایس ایچ او تھانہ مچنی گیٹ عباد وزیر نے دیگر پولیس نفری کے ہمراہ مچنی گیٹ کی حدود ڈاگ لارہ میں زیر تعمیر مکان سے جدید خودکار اسلحہ برآمد کر لیا۔ پولیس نے 7 عدد کلاشنکوف، 2 پستول اور کارتوس برآمد کرکے ملزم بخت ریاض کو گرفتار کر لیا، گرفتار ملزم نے ابتدائی تفتیش کے دوران اسلحہ زیر تعمیر مکان میں رکھنے اور بعد میں دیگر اضلاع کو سمگل کرنے کا انکشاف کیا ہے۔
خبر کا کوڈ: 909182