QR Code
فنڈز کی جانچ پڑتال کیلئے 19 سیاسی جماعتوں کو نوٹس جاری
21 Jan 2021 07:27
چیف الیکشن کمشنر نے کہا کہ 19 سیاسی جماعتوں کو نوٹس جاری کر رہے ہیں۔ الیکشن کمیشن نے کیس کی سماعت 24 جنوری تک ملتوی کر دی۔
اسلام ٹائمز۔ پاکستان تحریک انصاف کی جانب سے سیاسی جماعتوں کے فنڈز کی جانچ پڑتال کی درخواست پر الیکشن کمیشن نے 19 سیاسی جماعتوں کو نوٹس جاری کر دیئے۔ چیف الیکشن کمشنر سکندر سلطان راجہ کی سربراہی میں پانچ رکنی بینچ نے پی ٹی آئی کی درخواست پر سماعت کی۔ پی ٹی آئی کی جانب سے وکیل شاہ خاور پیش ہوئے، اس موقع پر الیکشن کمیشن پولیٹکل فنانس ونگ کی رپورٹ الیکشن کمیشن میں پیش کر دی گئی۔ کمیشن نے رپورٹ پی ٹی آئی کے وکیل کے حوالے کرنے کی ہدایت کر دی، الیکشن کمیشن نے کہا کہ آپ رپورٹ کا جائزہ لے کر اپنے اعتراضات دائر کرسکتے ہیں۔ چیف الیکشن کمشنر نے کہا کہ 19 سیاسی جماعتوں کو نوٹس جاری کر رہے ہیں۔ الیکشن کمیشن نے کیس کی سماعت 24 جنوری تک ملتوی کر دی۔
خبر کا کوڈ: 911423