QR Code

پی ڈی ایم کا ٹولہ خود انتشار کا شکار ہوچکا ہے، عثمان بزدار

22 Jan 2021 11:47

اپنے ایک بیان میں وزیراعلیٰ پنجاب کا کہنا تھا کہ اپوزیشن کوعوام کا احساس ہے نہ ملک کی پرواہ، قوم کو اتحاد، اتفاق اور بھائی چارے کی جتنی ضرورت آج ہے پہلے کبھی نہ تھی۔

اسلام ٹائمز۔ وزیراعلیٰ پنجاب عثمان بزدار کہتے ہیں ملک میں انتشارکی سیاست کرنے والوں کو جوش کی بجائے ہوش سے کام لینا چاہیے۔ اپنے ایک بیان میں وزیراعلیٰ پنجاب کا کہنا تھا کہ اپوزیشن کوعوام کا احساس ہے نہ ملک کی پرواہ، قوم کو اتحاد، اتفاق اور بھائی چارے کی جتنی ضرورت آج ہے پہلے کبھی نہ تھی، موجودہ حالات میں منفی سیاست کی ذرا سی بھی گنجائش نہیں، اپوزیشن کا احتجاج بےمعنی ہے، پی ڈی ایم سے نہ کوئی مسئلہ ہے اور نہ ہی کوئی خطرہ، پی ڈی ایم کا ٹولہ خود انتشار کا شکار ہو چکا ہے، ملک و قوم کے مفادات کو زک پہنچانے والے رہبر نہیں ہیں۔  

خبر کا کوڈ: 911656