ایران کیخلاف "ٹرمپ کی زیادہ سے زیادہ شکست" ہرگز نہ بھولیں، بلنکن کو ظریف کا جواب
28 Jan 2021 23:33
ٹوئٹر پر جاری ہونیوالے ایک پیغام میں ایرانی وزیر خارجہ نے اپنے امریکی ہم منصب کو مخاطب کرتے ہوئے ایرانی جوہری معاہدے سے متعلق امریکی خلاف ورزیوں اور ایرانی پاسداری کیجانب اشارہ کرتے ہوئے نصیحت کی ہے کہ وہ ایران کیخلاف زیادہ سے زیادہ دباؤ کی سیاست میں سابق امریکی صدر کی کھلی شکست کو ہرگز نہ بھولیں!
اسلام ٹائمز۔ ایران کے وزیر خارجہ محمد جواد ظریف جوہری معاہدے (JCPOA) میں واپسی کے حوالے سے امریکی وزیر خارجہ اینٹونی بلنکن کی جانب سے شرائط عائد کئے جانے کا جواب دیا ہے۔ محمد جواد ظریف نے ٹوئٹر پر جاری ہونے والے اپنے ایک پیغام میں امریکہ کے 71ویں وزیر خارجہ کو مخاطب کرتے ہوئے لکھا ہے کہ اینٹونی بلنکن کے لئے حقائق کا جائزہ: امریکہ نے؛
ایرانی جوہری معاہدے (JCPOA) کی خلاف ورزی کی
ایرانیوں کی خوراک و ادویات پر پابندیاں عائد کیں
(اور) سلامتی کونسل کی قرارداد 2231 کی پابندی پر (ایران کو) سزا دی
جبکہ ایران نے گھٹیا امریکی کشمکش کے دوران؛
جوہری معاہدے (JCPOA) کی مکمل پاسداری کی
(اور جوہری معاہدے کی شق 36 میں) پہلے سے طے شدہ اصلاحی طریقۂ کار پر عملدرآمد کیا
اب کس کو پہلا (اصلاحی) قدم اٹھانا چاہیئے؟
ٹرمپ کی زیادہ سے زیادہ شکست کو نہ بھولیں!
خبر کا کوڈ: 912986