QR Code

لینڈ گریبرز حلیم عادل شیخ کے ذاتی ورکرز ہیں، ناصر حسین شاہ

11 Feb 2021 17:05

ایک بیان میں وزیر اطلاعات سندھ نے کہا کہ پارٹی ورکرز اور لینڈ گریبرز میں فرق ہوتا ہے، سندھ حکومت صرف لینڈ گریبرز اور کرمنلز کے خلاف کارروائی کر رہی ہے، پی ٹی آئی کو چاہیئے کہ تمام لینڈ گریبرز کو پارٹی کی چھتری کے اندر چھپنےنہ دے۔

اسلام ٹائمز۔ وزیر اطلاعات سندھ سید ناصر حسین شاہ کا کہنا ہے کہ لینڈ گریبرز حلیم عادل کے ذاتی ورکرز ہیں۔ وزیر اطلاعات سندھ سید ناصر حسین شاہ نے حلیم عادل کے بیان پر ردعمل کا اظہار کرتے ہوئے کہا کہ سندھ حکومت تمام سیاسی تنظیموں کے ورکرز کا احترام کرتی ہے۔ انہوں نے کہا کہ پارٹی ورکرز اور لینڈ گریبرز میں فرق ہوتا ہے، حلیم عادل کو لینڈ گریبرز بھی پی ٹی آئی کے ورکرز نظر آرہے ہیں۔ سید ناصر حسین شاہ نے کہا کہ سندھ حکومت صرف لینڈ گریبرز اور کرمنلز کے خلاف کارروائی کر رہی ہے۔ انہوں نے اپنے بیان میں مزید کہا کہ پی ٹی آئی کو چاہیئے کہ تمام لینڈ گریبرز کو پارٹی کی چھتری کے اندر چھپنےنہ دے۔

خبر کا کوڈ: 915648