پیپلز پارٹی کو آپشن دیا ہے کہ وہ سندھ اسمبلی سے فی الحال استعفے نہ دے، احسن اقبال
17 Mar 2021 06:40
نجی ٹی وی کے ساتھ گفتگو کرتے ہوئے مسلم لیگی راہنماء نے کہا کہ اجلاس میں کچھ باتیں ایسی بھی ہوئیں جو نہیں ہونی چاہیئے تھیں اور ہماری دل آزاری کا سبب بنیں۔
اسلام ٹائمز۔ پاکستان مسلم لیگ نون کے سیکرٹری جنرل احسن اقبال کا کہنا ہے کہ آج پاکستان ڈیموکریٹک موومنٹ کے اجلاس میں پیپلز پارٹی کے رویئے سے مایوسی ہوئی ہے۔ نجی ٹی وی کے ساتھ گفتگو کرتے ہوئے انہوں نے کہا کہ اجلاس میں کچھ باتیں ایسی بھی ہوئیں جو نہیں ہونی چاہیئے تھیں اور ہماری دل آزاری کا سبب بنیں۔ احسن اقبال نے مزید کہا کہ جس جماعت پر بھی پی ڈی ایم کی ناکامی کا ملبا آیا، وہ اسے اٹھا نہیں سکے گی۔ پیپلز پارٹی کو آپشن دیا ہے کہ وہ سندھ اسمبلی سے فی الحال استعفے نہ دے۔ انہوں نے یہ بھی کہا کہ پی ڈی ایم کے ساتھ رہنے یا نہ رہنے کا فیصلہ اب پیپلزپارٹی کو کرنا ہے۔
خبر کا کوڈ: 921961