QR Code
افغانستان سے فوجی انخلا میں ناکامی کی صورت میں امریکہ کو سخت نتائج کا سامنا کرنا پڑے گا، افغان طالبان
18 Mar 2021 09:51
خبر ایجنسی اے ایف پی کی رپورٹ کے مطابق طالبان کے ترجمان ذبیح اللہ مجاہد نے کہا کہ امریکا کو دوحہ معاہدے کے مطابق اپنا قبضہ ختم کر لینا چاہیے، امریکا کو افغانستان سے یکم مئی تک اپنی فورسز کا مکمل انخلا کرنا چاہیے۔
اسلام ٹائمز۔ افغان طالبان نے امریکی صدر جو بائیڈن کے تازہ بیان کے بعد ردعمل میں انہیں خبردار کرتے ہوئے کہا ہے کہ افغانستان سے فوجی انخلا میں ناکامی کی صورت میں سخت نتائج کا سامنا کرنا پڑے گا۔ خبر ایجنسی اے ایف پی کی رپورٹ کے مطابق طالبان کے ترجمان ذبیح اللہ مجاہد نے کہا کہ امریکا کو دوحہ معاہدے کے مطابق اپنا قبضہ ختم کر لینا چاہیے۔ ان کا کہنا تھا کہ امریکا کو افغانستان سے یکم مئی تک اپنی فورسز کا مکمل انخلا کرنا چاہیے۔ ذیبح اللہ مجاہد نے کہا کہ اگر وہ کسی بھی وجہ اور عذر کی وجہ سے ایسا نہیں کر پائے تو پھر وہ نتائج کے ذمہ دار ہوں گے۔ انہوں نے کہا کہ افغانستان کے لوگ اپنا فیصلہ کریں گے۔
خبر کا کوڈ: 922140