اسلام ٹائمز - تحریک جاری رکھیں گے راستے میں جیل بھی آئے گی اور اقتدار بھی، مولانا فضل الرحمان

تحریک جاری رکھیں گے راستے میں جیل بھی آئے گی اور اقتدار بھی، مولانا فضل الرحمان

اسلام آباد میں ایک تقریب سے خطاب کرتے ہوئے مولانا فضل الرحمان کا کہنا تھا کہ تحریکیں رکتی نہیں چاہے سب ساتھ نہ رہیں، ایک آدھ ساتھ نہ رہے تب بھی منزل کی طرف پیشرفت جاری رہتی ہے۔

اسلام ٹائمز۔ جمعیت علماء اسلام کے سربراہ مولانا فضل الرحمان کا کہنا ہے کہ جیل جانے کا حوصلہ نہیں تو سیاست میں آتے کیوں ہیں؟۔ اسلام آباد میں ایک تقریب سے خطاب کرتے ہوئے مولانا فضل الرحمان کا کہنا تھا کہ تحریکیں رکتی نہیں چاہے سب ساتھ نہ رہیں، ایک آدھ ساتھ نہ رہے تب بھی منزل کی طرف پیشرفت جاری رہتی ہے، اس راستے میں جیل بھی آئے گی اور اقتدار بھی۔ فضل الرحمان کا کہنا تھا اگر عوام سپورٹ کر رہے ہیں تو اکیلی جماعت بھی تبدیلی لے آتی ہے، پی ڈی ایم پر ایسے حالات آتے رہتے ہیں، خوش اسلوبی سے اس کو آگے بڑھائیں گے۔ سربراہ پی ڈی ایم نے کہا کہ مورچے تبدیل ہوتے رہتے ہیں، سیاست آگے بڑھنے کا نام ہے، حکمرانوں کو سکون کی نیند نہیں سونے دیں گے۔