QR Code
احسن اقبال کا امیر جماعت اسلامی کے بارے میں بیان غیر جمہوری رویئے کا عکاس ہے، محمد اصغر
26 Mar 2021 20:47
منصورہ سے جاری بیان میں جماعت اسلامی کے ڈپٹی سیکرٹری جنرل کا کہنا تھا کہ ملک میں جاری سیاسی کشمکش میں جماعت اسلامی پارلیمنٹ اور جمہوریت کے تسلسل اور استحکام کیلئے کام کریگی، البتہ سیاسی جدوجہد اور انتخابات اپنے جھنڈے اور نشان پر لڑیگی۔
اسلام ٹائمز۔ ڈپٹی سیکرٹری جنرل جماعت اسلامی محمد اصغر نے کہا ہے کہ جماعت اسلامی ایک آزاد سیاسی جماعت ہے، اس کا کسی کے ساتھ اتحاد یا الحاق نہیں ہوا۔ ملک میں جاری سیاسی کشمکش میں جماعت اسلامی پارلیمنٹ اور جمہوریت کے تسلسل اور استحکام کے لیے کام کرے گی، البتہ سیاسی جدوجہد اور انتخابات اپنے جھنڈے اور نشان پر لڑے گی۔ منصورہ سے جاری ایک بیان میں ان کا کہنا تھا کہ مسلم لیگ (ن) کے رہنماء احسن اقبال پزل نہ ہوں۔ احسن اقبال کا امیر جماعت کے بارے میں بیان غیر جمہوری رویئے کا عکاس ہے۔ انھوں نے سوال کیا کہ کیا مسلم لیگ (ن) کی اعلیٰ قیادت نے کبھی جماعت اسلامی سے تعاون نہیں لیا؟ کیا احسن اقبال سیاسی رواداری ختم کرنے کے قائل ہیں؟
خبر کا کوڈ: 923606