اسلام ٹائمز - لاک ڈاؤن کا اقدام اتنا ہی برا تھا تو وفاق اور تین صوبوں نے اس پر عمل کیوں کیا؟ وزیراعلیٰ سندھ

لاک ڈاؤن کا اقدام اتنا ہی برا تھا تو وفاق اور تین صوبوں نے اس پر عمل کیوں کیا؟ وزیراعلیٰ سندھ

کراچی میں میڈیا سے گفتگو کرتے ہوئے مراد علی شاہ نے کہا کہ بین الصوبائی ٹرانسپورٹ بند کرنے کی تجویز دی تھی جو مسترد نہیں ہوئی، اگر این سی او سی نے ٹرانسپورٹ سے متعلق قدم نہیں اٹھائے تو ہم لیں گے۔

اسلام ٹائمز۔ وزیراعلیٰ سندھ سید مراد علی شاہ کا کہنا ہے کہ لاک ڈاؤن کا اقدام اتنا ہی برا تھا تو وفاق اور تین صوبوں نے اس پر عمل کیوں کیا؟، قومی رابطہ کمیٹی برائے کورونا نے میری کوئی تجویز مسترد نہیں کی، وزیراعظم کی لاک ڈاؤن سے متعلق اپنی سوچ ہے۔ کراچی میں میڈیا سے گفتگو کرتے ہوئے وزیراعلیٰ سندھ نے کہا کہ بین الصوبائی ٹرانسپورٹ بند کرنے کی تجویز دی تھی جو مسترد نہیں ہوئی، اگر این سی او سی نے ٹرانسپورٹ سے متعلق قدم نہیں اٹھائے تو ہم لیں گے۔ مراد علی شاہ نے کہا کہ ملک کے کچھ حصوں میں مثبت شرح 25 فیصد تک ہے، کورونا کا پھیلاؤ روکنے کے لئے پہلے انٹرسٹی ٹرانسپورٹ بند کرنی ہے۔ وزیراعلیٰ سندھ نے کہا کہ بعض شہروں میں مثبت شرح 25 اور کہیں 1 فیصد ہے، ہمیں ترجیحات طے کرنی چاہئیں کہ زیادہ بچاؤ کس طریقے سے ہوگا۔