QR Code

ملک میں نئی مردم شماری کا فیصلہ خوش آئند ہے، فیصل سبزواری

13 Apr 2021 02:01

میڈیا سے گفتگو کرتے ہوئے رہنما ایم کیو ایم پاکستان نے کہا کہ آج ہمارے اصولی مؤقف کو وفاق کی سطح پر منظور کرلیا گیا، ہونا یہ چاہیئے تھا کہ 2017ء کی مردم شماری قبول کئے بغیر نئی مردم شماری ہوتی لیکن ہمیں خوشی ہے کہ نئی مردم شماری کا اعلان ہوا ہے۔

اسلام ٹائمز۔ مشترکہ مفادات کونسل کی جانب سے نئی مردم شماری کرانے کے فیصلے پر ایم کیو ایم پاکستان کا ردعمل آگیا۔ تفصیلات کے مطابق ایم کیو ایم پاکستان کے رہنما سینیٹر فیصل سبزواری نے میڈیا سے گفتگو کرتے ہوئے کہا کہ آج ہمارے اصولی مؤقف کو وفاق کی سطح پر منظور کرلیا گیا، نئی مردم شماری کا فیصلہ خوش آئند ہے۔ سینیٹر فیصل سبزواری نے کہا کہ 2017ء کی مردم شماری کے خلاف ایم کیو ایم پاکستان سپریم کورٹ گئی، پی ٹی آئی کے ساتھ اتحاد کے نکات میں پہلا نکتہ مردم شماری کا تھا، نئی مردم شماری کا فوری اعلان ایم کیو ایم کا مطالبہ تھا۔ ایم کیو ایم رہنما نے کہا کہ نئی مردم شماری کے نتائج آئندہ الیکشن سے پہلے آنے چاہیئں۔ انہوں نے کہا کہ ہونا یہ چاہیئے تھا کہ 2017ء کی مردم شماری قبول کئے بغیر نئی مردم شماری ہوتی لیکن ہمیں خوشی ہے کہ نئی مردم شماری کا اعلان ہوا ہے۔

خبر کا کوڈ: 926845