QR Code
فلسطینی عوام کی مزاحمت نے جارح قوتوں کو عقب نشیی پر مجبور کر دیا ہے، خطیب زادہ
22 May 2021 17:41
ٹوئٹر پر جاری ہونیوالے ایک پیغام میں ایرانی وزارت خارجہ کے ترجمان نے "سیف القدس" مزاحمتی آپریشن میں فتح پر فلسطینی مزاحمتی محاذ کو مبارکباد پیش کرتے ہوئے انہیں مخاطب کر کے تاکید کی ہے کہ آپکی مزاحمت نے غاصب و جارح صیہونی رژیم کو عقب نشینی پر مجبور کر دیا ہے۔
اسلام ٹائمز۔ ایرانی وزارت خارجہ کے ترجمان سعید خطیب زادہ نے اپنے ایک پیغام میں غاصب صیہونی رژیم اسرائیل کی جارحیت کے خلاف 11 روزہ فلسطینی مزاحمتی آپریشن "سیف القدس" کی شاندار کامیابی پر فلسطینی مزاحمتی محاذ کو مبارکباد پیش کرتے ہوئے لکھا ہے کہ ہم اپنے فلسطینی بہن بھائیوں کو اس تاریخی فتح پر مبارکباد پیش کرتے ہیں۔ ٹوئٹر پر جاری ہونے والے اپنے پیغام میں انہوں نے فلسطینی عوام کو مخاطب کر کے لکھا کہ آپ کی بھرپور مزاحمت نے جارح قوتوں کو عقب نشینی پر مجبور کر دیا ہے۔ انہوں نے لکھا کہ (فلسطینی سرزمینوں پر) استصواب رائے منعقد ہو کر رہے گا جبکہ اس کے انعقاد تک ہم آپ کی قانونی مزاحمت کی بھرپور حمایت پر فخر کرتے رہیں گے۔ سعید خطیب زاده نے اپنے پیغام کے آخر میں فلسطینی پرچم کی تصویر منسلک کرتے ہوئے لکھا کہ فلسطین ضرور بالضرور آزاد ہو گا۔
خبر کا کوڈ: 933949