ایف پی ایس سی نے گلگت میں انٹرویو سنٹر قائم کر دیا
14 Jun 2021 21:00
گلگت بلتستان میں ایف پی ایس سی کا انٹرویو سنٹر نہ ہونے سے یہاں کے امیدواروں کو مشکلات کا سامنا تھا، جس کا ادراک کرتے ہوئے وزیراعلیٰ گلگت بلتستان خالد خورشید نے یہ معاملہ فیڈرل پبلک سروس کمیشن کے حکام کے سامنے اٹھایا تھا۔
اسلام ٹائمز۔ فیڈرل پبلک سروس کمیشن (ایف پی ایس سی) نے گلگت میں انٹرویو سنٹر قائم کر دیا۔ وزیراعلیٰ کے ترجمان کے مطابق گلگت بلتستان میں ایف پی ایس سی کا انٹرویو سنٹر نہ ہونے سے یہاں کے امیدواروں کو مشکلات کا سامنا تھا، جس کا ادراک کرتے ہوئے وزیراعلیٰ گلگت بلتستان خالد خورشید نے یہ معاملہ فیڈرل پبلک سروس کمیشن کے حکام کے سامنے اٹھایا تھا۔ جس کے بعد ایف پی ایس سی نے گلگت میں انٹرویو سنٹر قائم کرنے کا باضابطہ فیصلہ کر لیا۔ حکومتی ترجمان کے مطابق گلگت کے بعد سکردو شہر میں بھی انٹرویو سنٹر کے قیام کیلئے بھی کوششیں جاری ہیں۔
خبر کا کوڈ: 938045