QR Code

مقبوضہ فلسطین، غاصب صیہونی فوجیوں کی سیدھی فائرنگ سے 1 فلسطینی خاتون شہید

17 Jun 2021 19:55

فلسطینی میڈیا کیمطابق غاصب صیہونی فوجیوں نے مقبوضہ قدس شریف کے شمالی علاقے میں ایک گاڑی پر اندھادھند فائرنگ کر کے 1 فلسطینی خاتون کو شہید کر دیا ہے جسکے بعد غاصب صیہونیوں کیجانب سے حسب سابق یہ موقف اختیار کیا گیا کہ شہید ہونیوالی فلسطینی خاتون اسرائیلی فوجیوں پر حملے کا ارادہ رکھتی تھی۔

اسلام ٹائمز۔ غاصب صیہونی رژیم اسرائیل کے میڈیا کے مطابق مقبوضہ قدس شریف میں غاصب صیہونی فوجیوں نے اندھادھند فائرنگ کر کے 1 فلسطینی خاتون کو موقع پر ہی شہید کر دیا ہے۔ فلسطینی چینل "قدس" نے صیہونی ٹیلیویژن کے چینل 13 سے نقل کرتے ہوئے اطلاع دی ہے کہ غاصب صیہونی فوجیوں نے فلسطینی خاتون کو سیدھی فائرنگ کا نشانہ بناتے ہوئے موقع پر ہی شہید کرنے کے بعد حسب سابق موقف اختیار کیا ہے کہ فلسطینی خاتون نے قدس شریف کے "حزما" گاؤں کے قریب غاصب صیہونی فوجیوں کو اپنی گاڑی تلے کچلنے کی کوشش کی اور پھر چاقو کی مدد سے ان پر حملہ کر دیا جبکہ فلسطینی میڈیا کا کہنا ہے کہ غاصب صیہونی فوجیوں نے ہمیشہ کے مانند فلسطینی خاتون پر اندھا دھند فائرنگ کر کے اسے شہید کرنے کے بعد یہ موقف اپنایا ہے۔

خبر کا کوڈ: 938576