QR Code
چمن، بارڈر کراس کرنے کیلئے ویکسینیشن لازمی قرار
27 Jul 2021 17:57
NCOC بارڈر مینجمنٹ کے تحت تمام بارڈر کراس کرنیوالے مسافروں کیلئے ویکسینیشن اور آر اے ٹی ٹیسٹ لازمی قرار دیدیا گیا ہے۔ ویکسینیشن کے بغیر مسافروں کو آنے جانے کی اجازت نہیں ہوگی۔
اسلام ٹائمز۔ ڈپٹی کمشنر چمن کی جانب سے جاری کردہ اعلامیے کے مطابق ویکسینیشن نہ کروانے والے افراد پاک افغان بارڈر کراس نہیں کرسکیں گے۔ تفصیلات کے مطابق ڈی سی چمن کیپٹن (ر) جمعداد خان مندوخیل نے NCOC بارڈر مینجمنٹ کے تحت تمام بارڈر کراس کرنے والے مسافروں کیلئے ویکسینیشن اور آر اے ٹی ٹیسٹ لازمی قرار دے دیا ہے۔ مزید بتایا جا رہا ہے کہ افغان باشندے کا ٹیسٹ اگر مثبت ہوا تو اسے واپس افغانستان بھیج دیا جائے گا، جبکہ پاکستانی باشندے کا ٹیسٹ اگر مثبت ہوا تو اسے نزدیکی کورینٹین سینٹر میں داخل کیا جائے گا۔
خبر کا کوڈ: 945406