QR Code
کوئٹہ، ڈی سی آفس میں محرم الحرام کیحوالے سے میٹنگ
30 Jul 2021 20:32
ڈپٹی کمشنر کوئٹہ نے محرم الحرام اور جلوس پر مختلف محکموں کو ان کی ذمہ داریاں سونپ دی۔ شیعہ کانفرنس کے نمائندے کو عزاداروں کو کورونا وائرس اور ویکسینیشن کی ہدایت دینے کی تلقین کی گئی۔
اسلام ٹائمز۔ محرم الحرام میں مجالس اور عاشورہ پر سیکورٹی کے انتظامات بہتر بنانے کیلئے ڈپٹی کمشنر کوئٹہ عرفان نواز میمن کی سربراہی میں ڈی سی آفس کوئٹہ میں میٹنگ کا انعقاد ہوا، جس میں بلوچستان شیعہ کانفرنس کے نمائندے بھی موجود تھے۔ تفصیلات کے مطابق محرم الحرام میں عزاداروں اور ماتمی داستوں کی حفاظت اور جلوس کی بہتری پر گفتگو کی گئی، جس کے بعد ڈپٹی کمشنر کوئٹہ نے محرم الحرام اور جلوس پر مختلف محکموں کو ان کی ذمہ داریاں سونپ دی۔ ڈی سی کوئٹہ نے شیعہ کانفرنس کے نمائندوں سے اپیل کی کہ وہ کورونا ایس او پیز کا خیال رکھتے ہوئے عزاداروں کو ویکسین لگوانے کی تلقین کرے۔
خبر کا کوڈ: 945907