اسلام ٹائمز - سندھ میں لاک ڈاؤن پر وفاق کیا کہتا ہے ہمیں پروا نہیں، مرتضیٰ وہاب

سندھ میں لاک ڈاؤن پر وفاق کیا کہتا ہے ہمیں پروا نہیں، مرتضیٰ وہاب

نجی ٹی وی سے گفتگو کرتے ہوئے ترجمان سندھ حکومت نے کہا کہ کورونا کی سطح کو نیچے لانے کے لئے فوری حل صرف لاک ڈاؤن ہی ہے، اگر کورونا کو روکنے کے لئے لاک ڈاؤن حل نہیں ہے تو پھر حل کیا ہے؟۔

اسلام ٹائمز۔ وزیراعلیٰ سندھ کے مشیر اور ترجمان سندھ حکومت مرتضیٰ وہاب کا کہنا ہے کہ سندھ میں لاک ڈاؤن کے حوالے سے وفاق کیا کہتا ہے ہمیں اس کی پروا نہیں ہے۔ نجی ٹی وی سے گفتگو کرتے ہوئے مرتضیٰ وہاب نے کہا کہ کورونا کی سطح کو نیچے لانے کے لئے فوری حل صرف لاک ڈاؤن ہی ہے۔ مشیر وزیراعلیٰ سندھ نے اسد عمر سے سوال کیا کہ اگر کورونا کو روکنے کے لئے لاک ڈاؤن حل نہیں ہے تو پھر حل کیا ہے؟۔