QR Code

غیور نقوی ایک سال کیلئے امامیہ چیف اسکاوٹ منتخب ہوگئے

2 Aug 2021 13:13

بھمبروٹ سیداں مری میں امامیہ اسکاوٹس کے 7روزہ کیمپ کے آخری روز امامیہ چیف اسکاوٹ کا انتخاب ہوا. ںومنتخب چیف اسکاوٹ سے مرکزی صدر نے حلف لیا۔

اسلام ٹائمز۔ امامیہ اسٹوڈنٹس آرگنائزیشن پاکستان شعبہ اسکائوٹنگ کے زیراہتمام مری میں جاری 7 روزہ اسکائوٹ کیمپ اختتام پذیر ہوگیا، کیمپ کے آخری روز اسکائوٹ کونسل کا اجلاس ہوا، جس میں سال دو ہزار اکیس بائیس کے لئے غیور نقوی کو امامیہ چیف اسکائوٹ منتخب کر لیا گیا۔ نو منتخب چیف اسکائوٹ سے مرکزی صدر آئی ایس او عارف حسین نے حلف لیا۔ اسکائوٹ کیمپ میں ملک بھر سے سینکڑوں اسکائوٹس نے شرکت کی، سالانہ کیمپ میں اسکائوٹس کو فرسٹ ایڈ، ہنگامی حالات میں دوسروں کی امداد، سیلف ڈیفنس اور جسمانی صحت کے متعلق عملی تربیت دی گئی۔

خبر کا کوڈ: 946386