QR Code

چارسدہ میں پولیس آفیسر کا غریب ریڑھی بانوں پر تشدد

3 Aug 2021 23:51

ڈی آئی جی مردان کا کہنا ہے کہ ریڑھی بانوں پر تشدد کرنے والا اے ایس آئی معطل کر دیا گیا ہے، اور اس کے خلاف محکمانہ کاروائی کا حکم دے دیا گیا ہے۔

اسلام ٹائمز۔ ضلع چارسدہ کے علاقہ شبقدر میں پولیس آفیسر نے آپریشن کے دوران غریب ریڑھی بانوں پر تھپڑوں کی بارش کردی۔ تفصیلات کے مطابق شبقدر میں پولیس آفیسر نے ٹی ایم اے حکام کے ساتھ آپریشن میں غریب ریڑھی بانوں پر تھپڑوں کی بارش کردی، جس کا ڈی آئی جی مردان نے نوٹس لے لیا۔ ڈی آئی جی مردان کا کہنا ہے کہ ریڑھی بانوں پر تشدد کرنے والا اے ایس آئی معطل کر دیا گیا ہے، اور اس کے خلاف محکمانہ کاروائی کا حکم دے دیا گیا ہے۔ واضح رہے کہ تشدد کے واقعہ کی ویڈیو سوشل میڈیا پر بھی وائرل ہوئی، جس پر صارفین نے شدید تنقید کی ہے۔

خبر کا کوڈ: 946667