QR Code

ہم بانیانِ پاکستان کی اولادوں کو بھولے نہیں ہیں، گورنر سندھ

12 Aug 2021 21:16

کراچی میں لیاقت علی خان کے صاحبزادے کے گھر آمد کے موقع پر عمران اسماعیل نے کہا کہ یہ پاکستان کی ایک مضبوط ترین حکومت ہے، ہماری گزارش ہے کہ سندھ حکومت وزیراعظم کا ساتھ دے، ہم سب کے آباؤ اجداد نے پاکستان کے قیام کے لئے قربانیاں دی ہیں۔

اسلام ٹائمز۔ گورنر سندھ عمران اسماعیل نے کہا ہے کہ ہم بانیانِ پاکستان کی اولادوں کو بھولے نہیں ہیں۔ ان خیالات کا اظہار انہوں نے کراچی میں قائدِ ملت لیاقت علی خان کے صاحبزادے کی عیادت کے لئے ان کے گھر آمد کے موقع پر کیا۔ انہوں نے ملک کے پہلے وزیراعظم خان لیاقت علی خان کے بیٹے علی اکبر خان کی عیادت کی اور کہا کہ پاکستان کے بانیوں کی اولادوں کو ہم نہیں بھولے ہیں۔

کراچی کے مسائل پر بات کرتے ہوئے گورنر سندھ نے کہا کہ کراچی کو یہ کراچی بنانے میں بھی ایڈمنسٹریٹر اور ان کی ٹیم کا ہاتھ ہے۔ گورنر سندھ نے بتایا کہ پورے پاکستان میں ہیلتھ کارڈ ملا ہے لیکن سندھ کی حکومت نہیں چاہتی کہ سندھ میں ہیلتھ کارڈ متعارف کروایا جائے۔ انہوں نے کہا کہ یہ پاکستان کی ایک مضبوط ترین حکومت ہے، ہماری گزارش ہے کہ سندھ حکومت وزیراعظم کا ساتھ دے۔ عمران اسماعیل کا کہنا تھا کہ ہم سب کے آباؤ اجداد نے پاکستان کے قیام کے لئے قربانیاں دی ہیں۔

خبر کا کوڈ: 948226