QR Code

طالبان کی فتح کے بیچ مودی حکومت کو کشمیر تک رسائی بڑھانی چاہیئے، سابق آرمی چیف

22 Aug 2021 15:35

جنرل شنکر رائے چودھری نے کہا کہ پاکستان، افغانستان میں طالبان کے اقتدار پر قبضے سے پُرجوش ہے اور پاکستان کشمیر پر نئے سرے سے دعوی پیش کریگا۔

اسلام ٹائمز۔ بھارت کے سابق آرمی چیف جنرل شنکر رائے چودھری نے کہا ہے کہ افغانستان میں طالبان کے اقتدار پر قبضہ جمانے سے پاکستان میں مقیم دہشتگرد گروہوں کے علاقے میں نئے سرے سے حملے کرنے کے خدشے کے درمیان مودی حکومت کو جموں کشمیر میں اپنی پہنچ بڑھانے اور لوگوں کو یہ یقین دلانے کی ضرورت ہے۔ انہوں نے کہا کہ ایسا اس لئے ضروری ہے کیونکہ اس سے ہندوستان ایک سیکولر و جمہوری ملک بنا رہے گا۔ جنرل رائے چودھری جنہوں نے 1990ء کی دہائی میں کشمیر میں عسکریت پسندی کے عروج کے دوران 16 کور کی کمان کی تھی، نے کہا کہ پاکستان، افغانستان میں طالبان کے اقتدار پر قبضے سے پُرجوش ہے اور پاکستان کشمیر پر نئے سرے سے دعوی پیش کرے گا۔

خبر کا کوڈ: 949759