QR Code
لبنان کو ایرانی تیل کی برآمد
ایرانی تیل کے حامل بحری بیڑے نہر سوئز کے قریب پہنچ گئے
29 Aug 2021 21:21
لبنانی میڈیا نے اطلاع دی ہے کہ لبنان کیلئے ایران کیجانب سے بھیجے جانیوالے تیل بردار بحری بیڑے زیادہ تر سفر طے کر کے نہر سوئز کے قریب پہنچ گئے ہیں۔
اسلام ٹائمز۔ لبنانی میڈیا نے اطلاع دی ہے کہ حزب اللہ کی درخواست پر ایران کی جانب سے بیروت کے لئے ارسال کردہ ایندھن کے حامل ایرانی بحری بیڑے اکثر مسافت طے کر کے نہر سویز کے قریب پہنچ گئے ہیں۔ لبنانی چینل ایل بی سی کے مطابق سربراہ حزب اللہ سید حسن نصراللہ کی جانب سے پیش کردہ تجویز کے مطابق بیروت کو ارسال کئے جانے والے ایرانی تیل کے حامل بحری بیڑے اس وقت نہر سویز میں داخل ہو رہے ہیں جس کے بعد وہ عنقریب ہی لبنانی سمندری حدود میں پہنچ جائیں گے۔ رپورٹ کے مطابق کہا یہ جا رہا ہے کہ ان بحری بیڑوں کا مقصد شام کی بندرگاہ "بانیاس" ہے جبکہ یہ بھی بعید نہیں کہ ان کا حقیقی مقصد بیروت ہی ہو۔ لبنانی چینل نے بتایا کہ سید مقاومت کی جانب سے ذکر شدہ ایرانی تیل بردار تیسرا بحری بیڑہ 5 تا 10 ستمبر کے درمیان اپنا سفر شروع کرے گا۔
خبر کا کوڈ: 951039