QR Code
پی آئی اے کا اربعین حسینی کیلئے خصوصی پروازوں کا اعلان
10 Sep 2021 18:07
کراچی سے 8 پروازیں نجف، 3 پروازیں دمشق اور ایک پرواز بغداد روانہ ہوگی، جبکہ لاہور سے 3 پروازیں نجف، ایک پرواز بغداد اور ایک پرواز دمشق روانہ ہوگی۔
اسلام ٹائمز۔ قومی ایئرلائن پی آئی اے نے اربعین حسینی کے موقع پر خصوصی پروازیں چلانے کا اعلان کر دیا۔ تفصیلات کے مطابق پی آئی اے نے اربعین حسینی کے موقع پر نجف، بغداد، دمشق کیلئے خصوصی پروازوں کا اعلان کیا ہے۔ ترجمان پی آئی اے کا کہنا ہے کہ یہ پروازیں لاہور، کراچی اور اسلام آباد سے براہ راست روانہ ہوں گی۔ کراچی سے 8 پروازیں نجف، 3 پروازیں دمشق اور ایک پرواز بغداد روانہ ہوگی، جبکہ لاہور سے 3 پروازیں نجف، ایک پرواز بغداد اور ایک پرواز دمشق روانہ ہوگی۔ ترجمان کے مطابق اسلام آباد سے ایک پرواز نجف روانہ ہوگی، پروازوں کا آغاز 17 ستمبر سے 24 ستمبر تک جاری رہیں گی۔
خبر کا کوڈ: 953143