QR Code
زمین کے تنازع پر بھتیجے نے 2 پھوپھیوں کو قتل کر دیا
23 Sep 2021 01:16
پولیس کی موجودگی میں ریسکیو 1122 نے 55 سالہ شہلا بی بی اور 58 سالہ زہرہ کی لاشیں تحصیل ہیڈ کوارٹرز ہسپتال گوجر خان منتقل کر دیں۔ پولیس نے ملزم کیخلاف قتل کا مقدمہ درج کرکے اسکی تلاش شروع کر دی ہے۔
اسلام ٹائمز۔ راولپنڈی کے علاقے جاتلی میں زمین کے تنازع پر نوجوان نے اپنی دو سگی پھپھیوں کو فائرنگ کرکے قتل کر دیا، امدادی ٹیموں نے موقع پر پہنچ کر لاشوں کو ہسپتال منتقل کر دیا۔ پولیس کا کہنا تھا کہ ملزم دلاور نے زمین کے تنازعے پر فائرنگ کی، جس سے دو خواتین موقع پر جاں بحق ہوگئیں۔ ملزم فرار ہونے میں کامیاب ہوگیا۔ پولیس کی موجودگی میں ریسکیو 1122 نے 55 سالہ شہلا بی بی اور 58 سالہ زہرہ کی لاشیں تحصیل ہیڈ کوارٹرز ہسپتال گوجر خان منتقل کر دیں۔ پولیس نے ملزم کے خلاف قتل کا مقدمہ درج کرکے اس کی تلاش شروع کر دی ہے۔
خبر کا کوڈ: 955269