QR Code
رجسٹرڈ جماعت کے کارکنوں پر حکمران جماعت کی طرف سے پرتشدد کارروائیوں کی شدید مذمت کرتے ہیں، آصف اخوانی
28 Oct 2021 00:00
تحریک تحفظ ناموس رسالت جنوبی پنجاب کے رہنمائوں نے اپنے بیان میں کہا کہ ہم مدنی ریاست کے قیام کے دعویدار حکمرانوں سے مطالبہ کرتے ہیں کہ حکومت سیاسی جماعت سے کئے گئے معاہدے کی پاسداری کرتے ہوئے معاہدے پر عملدرآمد کو یقینی بنائے اور گرفتار کارکنوں کو بلاتاخیر رہا کیا جائے۔
اسلام ٹائمز۔ میاں آصف اخوانی نائب امیر جماعت اسلامی و صدر تحریک تحفظ ناموس رسالت جنوبی پنجاب اور محمد ایوب مغل جنرل سیکرٹری تحریک تحفظ ناموس رسالت جنوبی پنجاب نے اپنے مشترکہ بیان میں کہا ہے کہ ایک رجسٹرڈ جماعت کے کارکنوں پر حکمران جماعت کی طرف سے ظالمانہ اور پرتشدد کارروائیوں کی شدید مذمت اور جانی ومالی نقصان پر انتہائی دکھ اور افسوس کا اظہار کرتے ہیں۔ مدنی ریاست کے قیام کے دعویدار حکمرانوں سے مطالبہ کرتے ہیں کہ حکومت سیاسی جماعت سے کئے گئے معاہدے کی پاسداری کرتے ہوئے معاہدے پر عملدرآمد کو یقینی بنائے اور گرفتار کارکنوں کو بلاتاخیر رہا کیا جائے۔ انہوں نے کہا کہ پورے ملک میں نظام زندگی کو ریاستی جبر کے ذریعے مفلوج بنایا ہوا ہے، ایسے اوچھے ہتھکنڈوں سے حکومت باز رہے، ایسے اقدامات ریاست کو کمزور کریں گے۔
خبر کا کوڈ: 960748