QR Code

عراق، امریکی فوج کا لاجسٹک قافلہ بم حملے کی نذر

8 Nov 2021 19:52

مقامی میڈیا کیمطابق قابض امریکی فوج کا ایک لاجسٹک قافلہ عراق کے جنوبی صوبے الدیوانیہ میں سڑک کنارے نصب بم سے جا ٹکرایا جس سے قافلے میں موجود متعدد امریکی گاڑیاں حساس فوجی سازوسامان سمیت جل کر راکھ ہو گئی ہیں

اسلام ٹائمز۔ عراق میڈیا نے اطلاع دی ہے کہ غیر قانونی طور پر قابض امریکی فوج کا ایک لاجسٹک قافلہ جنوبی علاقوں میں بم حملے کا نشانہ بن کر تباہ ہو گیا ہے۔ عراقی ای مجلے شفق نیوز کے مطابق عراق کے جنوبی صوبے الدیوانیہ میں قابض امریکی فوج کا ایک لاجسٹک قافلہ سڑک کنارے نصب بم سے جا ٹکرایا جس سے قافلے میں موجود متعدد امریکی گاڑیاں حساس فوجی سازوسامان سمیت جل کر راکھ ہو گئی ہیں تاہم اس حملے میں کوئی جانی نقصان نہیں ہوا۔ صابرین نیوز کے مطابق "اصحاب الکہف" نامی مزاحمتی گروہ نے اس حملے کی ذمہ داری قبول کر لی ہے۔

خبر کا کوڈ: 962178