QR Code

جامعہ بلوچستان کے لاپتہ طلباء کی واپسی کو یقینی بنائینگے، ضیاء لانگو

21 Nov 2021 18:24

اپنے ایک پیغام میں مشیر برائے وزارت داخلہ بلوچستان نے کہا ہے کہ طلباء ریاستی اداروں کی تحویل میں نہیں ہیں، البتہ انکی واپسی کو یقینی بنائینگے۔

اسلام ٹائمز۔ وزارت داخلہ بلوچستان کے مشیر میر ضیاء اللہ لانگو نے سوشل میڈیا کی ویب سائٹ ٹویٹر پر اپنے ایک پیغام میں جامعہ بلوچستان کے لاپتہ طلباء کے مسئلے کے حوالے سے کہا ہے کہ حکومت بلوچستان موثر اقدامات اٹھاتے ہوئے لاپتہ طلباء کو تلاش کرنے کی پوری کوشش کررہی ہے۔ انہوں نے کہا کہ ہم قانون نافذ کرنے والے اداروں سے رابطہ میں ہیں اور طلباء کی تلاش جاری ہے۔ انکا کہنا تھا کہ حکومت کے پاس ایسا کوئی ثبوت نہیں جس سے ثابت ہو کہ طلباء ریاستی اداروں کی تحویل میں ہیں، البتہ ہم انکی صحیح سلامت واپسی کو یقینی بنائیں گے۔

خبر کا کوڈ: 964718