QR Code
جے ایس او کے مرکزی صدر راشد حسین نقوی کی علامہ شبیر میثمی سے ملاقات، تنظیمی اُمور پر تبادلہ خیال
7 Dec 2021 01:47
شیعہ علماء کونسل کے مرکزی جنرل سیکرٹری علامہ شبیر حسن میثمی نے جے ایس او کے وفد کو خوش آمدید کہا، علامہ شبیر حسن میثمی نے جے ایس او کے نوجوانوں کو تنظیمی و تربیتی شعبوں کو منظم کرنے پر زور دیا، جے ایس او کے نوجوانوں کو پہلے سے زیادہ منظم ہونے کی ضرورت ہے۔
اسلام ٹائمز۔ جعفریہ اسٹوڈنٹس آرگنائزیشن پاکستان کے نومنتخب مرکزی صدر سید راشد حسین نقوی نے اعلیٰ سطحی وفد کے ہمراہ شیعہ علماء کونسل کے مرکزی سیکرٹری جنرل و مرکزی رُکن نطارت جے ایس او پاکستان علامہ شیخ شبیر حسن میثمی سے کراچی میں ملاقات کی۔ وفد میں جعفریہ اسٹوڈنٹس آرگنائزیشن پاکستان کے سابق مرکزی صدر سید ذیشان حیدر شمسی، سابق آرگنائزر سندھ محمد تقی مغل، ڈویژنل صدر حیدرآباد آذان کاظمی بھی شامل تھے۔ جے ایس او کے وفد نے دوران ملاقات ملکی اور تنظیمی صورتحال پر گفتگو کی۔ علامہ شبیر حسن میثمی نے جے ایس او کے وفد کو خوش آمدید کہا، علامہ شبیر حسن میثمی نے جے ایس او کے نوجوانوں کو تنظیمی و تربیتی شعبوں کو منظم کرنے پر زور دیا، اُنہوں نے کہا کہ جے ایس او کے نوجوانوں کو پہلے سے زیادہ منظم ہونے کی ضرورت ہے۔
خبر کا کوڈ: 967242