اسلام ٹائمز۔ متحدہ قومی موومنٹ (ایم کیو ایم) پاکستان کے رہنماء عامر خان نے کہا ہے کہ بلاول زرداری کی جتنی عمر ہے، اتنی تو ہم نے جیل کاٹی ہے۔ انہوں نے کہا کہ دو عملی سیاست نہیں چلے گی، لاڑکانہ اور دادو سمیت سب کو حق دیا جائے۔ ایم کیو ایم رہنماء نے مزید کہا کہ جھوٹی اور جعلی اکثریت سے سندھ کا نیا بلدیاتی قانون پاس کرایا گیا ہے۔ اُن کا کہنا تھا کہ ہم اس کالے قانون کو مسترد کرتے ہیں، صوبے کی اہم جماعتیں اس کالے قانون کو مسترد کرچکی ہیں۔ وہ کراچی میں ایک احتجاجی مظاہرے سے خطاب کر رہے تھے۔

 

اسلام ٹائمز