QR Code

تعمیر کراچی تعمیر پاکستان آل پارٹیز کانفرنس کل 29 دسمبر کو ہوگی

بلدیاتی بل پر حکومت اور اپوزیشن کے درمیان ہم آہنگی انتہائی ضروری ہے، علامہ مبشر حسن

28 Dec 2021 23:33

وحدت ہاؤس میں کمیٹی کے اجلاس سے خطاب کرتے ہوئے ایم ڈبلیو ایم سندھ کے ترجمان نے کہا ہم کراچی شہر کے مسائل کا حل چاہتے ہیں، جو شہر ملک کو ستر فیصد ریونیو دیتا ہے اسے مکمل طور پر نظر انداز رکھا گیا ہے، مشترکہ کوششوں کا تعین اے پی سی میں کیا جائے گا۔

اسلام ٹائمز۔ مجلس وحدت مسلمین پاکستان شعبہ سیاسیات کے زیر اہتمام تعمیر کراچی تعمیر پاکستان کل جماعتی کانفرنس بروز بدھ کراچی پریس کلب میں منعقد کی جائے گئی۔ صوبائی ترجمان علامہ مبشر حسن نے وحدت ہاؤس میں کمیٹی کے اجلاس سے خطاب کرتے ہوئے کہا کہ کراچی سمیت سندھ بھر کی تمام سیاسی جماعتوں کا دعوت دے دی گئی ہے، بلدیاتی بل کے جن نکات پر دیگر اسٹیک ہولڈرز اپنے تحفظات کا اظہار کر رہے ہیں ان پر حکومت کو نظرثانی کرنا ہوگی، مذکورہ بل پر حکومت اور اپوزیشن کے درمیان ہم آہنگی انتہائی ضروری ہے۔ انہوں نے کہا کہ بل کا مقصد علاقائی ترقی اور عوام کو سہولیات کی فراہمی ہونا چاہیئے، قومی و لسانی بنیادوں پر صوبے کو تقسیم نہیں کیا جا سکتا۔

ان کا کہنا تھا کہ مجلس وحدت مسلمین نے آل پارٹیز کانفرنس بلانے کا فیصلہ کیا ہے، جس میں کراچی اور اندرون سندھ کی تمام سیاسی جماعتوں کو شرکت کی دعوت دے دی گی ہے، باہمی مشاورت سے ایسا لائحہ عمل طے کیا جائے گا جس سے صوبہ ترقی کی راہ پر گامزن ہو اور عوام کو خوشحال زندگی گزارنے کے بہترین موقع میسر آسکیں۔ انہوں نے کہا ہم کراچی شہر کے مسائل کا حل چاہتے ہیں، جو شہر ملک کو ستر فیصد ریونیو دیتا ہے اسے مکمل طور پر نظر انداز رکھا گیا ہے، کراچی کی ترقی کے لئے مشترکہ کوششوں کا تعین 29 دسمبر کو اے پی سی میں کیا جائے گا۔

خبر کا کوڈ: 970835