QR Code

بسیمہ، لیویز حکام کی کارروائی، فائرنگ کا تبادلہ، دو ڈاکو گرفتار

30 Dec 2021 23:53

ایک کارروائی کے دوران لیویز حکام نے دو ڈاکوؤں کو گرفتار کر لیا ہے۔ لیویز حکام کے مطابق مبینہ افراد پنجگور سے چوری کرکے فرار ہوئے تھے۔

اسلام ٹائمز۔ لیویز حکام نے بلوچستان کے نواحی علاقے میں ایک کارروائی کے دوران دو ڈاکوؤں کو گرفتار کرلیا ہے۔ اطلاعات کے مطابق بسیمہ میں اسسٹنٹ کمشنر بسیمہ کی خصوصی ہدایت پر تحصیلدار بیسمہ کی سربراہی میں لیویز اہلکاروں نے کلی جنگیزئی کے مقام پر ناکہ بندی کی تھی۔ جس کے قریب پنجگور سے چوری کے بعد فرار ہونے والے ملزمان کو روکھا گیا۔ 2 گاڑیوں پر سوار چار ڈاکوؤں نے اس موقع پر لیویز اہلکاروں پر فائرنگ کی اور فرار ہوگئے۔ لیویز اہلکاروں نے گاڑیوں کا پیچھا کیا اور دو ڈاکوؤں کو گرفتار کرنے میں کامیاب ریے، جبکہ دو ڈاکو فرار ہوگئے۔ تحصیلدار بسیمہ نے گرفتار چوروں اور مسروقہ گاڑیوں کو لیویز فورس پنجگور کے حوالے کر دیا گیا۔

خبر کا کوڈ: 971223