QR Code

شہید قاسم سلیمانی کی شہادت حریت پسندوں کیلئے ایک فکری انقلاب ہے، اصغریہ اسٹوڈنٹس

1 Jan 2022 23:57

اپنے ایک بیان میں اے ایس او کے مرکزی صدر ثقلین علی جعفری نے کہا کہ ہمیں چاہیے کہ شہید حاج قاسم سلیمانی کی شخصیت کو دنیا کے کونے کونے بلخصوص وطنِ عزیز پاکستان میں عام کریں۔

اسلام ٹائمز۔ اصغریہ اسٹوڈنٹس آرگنائزیشن پاکستان کے مرکزی صدر ثقلین علی جعفری کا کہنا ہے کہ شہید حاج قاسم سلیمانی کی شہادت حریت پسندوں خصوصاً شیعانِ جہاں کیلئے ایک فکری انقلاب ہے۔ اپنے ایک بیان میں ثقلین علی جعفری نے کہا کہ ہمیں چاہیے کہ شہید حاج قاسم سلیمانی کی شخصیت کو دنیا کے کونے کونے بلخصوص وطنِ عزیز پاکستان میں عام کریں، شہید حاج قاسم سلیمانی کی عظیم سیرت پر کانفرنسز اور سیمینارز کا انعقاد کرنا چاہیے، جس میں شہید حاج قاسم سلیمانی کی سیرت پر گفتگو ہو۔ انہوں نے کہا کہ ہم سب کی ذمہ داری ہے کہ شہید حاج قاسم سلیمانی کی عظیم سیرت کے روحانی پہلو کو دنیا کے سامنے اجاگر کریں، تاکہ تمام باشعور نوجوان اس عظیم شہادت و شہید سے استفادہ کرسکیں۔

خبر کا کوڈ: 971536