QR Code

عوام کو عمران خان کی صورت میں ملک پر یزیدی اور تباہی سرکار نہیں چاہیئے، نثار کھوڑو

8 Jan 2022 21:14

ایک بیان میں پی پی رہنما نے کہا کہ عمران خان اور پی ٹی آئی کی تباہی سرکار اگر مزید اقتدار میں رہی تو ملک کا دیوالیہ نکل جائے گا، ملک اور عوام کو بحران سے نکالنے کے لئے ملک میں فوری طور پر قبل از وقت شفاف انتخابات کروائے جائیں۔

اسلام ٹائمز۔ پاکستان پیپلز پارٹی سندھ کے صدر نثار کھوڑو نے کہا ہے کہ سندھ نے پاکستان بنایا اور سندھ کے لوگ ملک کو بھی بچائیں گے اور ملک کو سنبھال کر بھی دکھائیں گے، پورے ملک کی عوام کا ایک ہی مطالبہ ہے کے وزیراعظم عمران خان کی صورت میں ملک پر یزیدی اور تباھی سرکار نہیں چاہئے۔ایک بیان میں پی پی رہنما نے کہا کہ عمران خان اور پی ٹی آئی کی تباہی سرکار اگر مزید اقتدار میں رہی تو ملک کا دیوالیہ نکل جائے گا۔ نثار کھوڑو نے کہا کہ ملک اور عوام کو بحران سے نکالنے کے لیے ملک میں فوری طور پر قبل از وقت شفاف انتخابات کروائے جائیں تاکہ عوام کو بہتر فیصلہ کرنے کا موقع مل سکے،شفاف انتخابات کے نتیجے میں جو جماعت اکثریت حاصل کرے اس جماعت کو حکومت بنانے کا حق حاصل ہو۔

خبر کا کوڈ: 972582